Vieira tilsett som Nice-trenar

Arsenal-legenda og verdsmeisteren Patrick Vieira (41) blir hovudtrenar i den franske toppklubben Nice.

Det fortel Nice via Twitter-kontoen sin måndag ettermiddag.

41-åringen Vieira kjem frå MLS-klubben New York City, der han har vore hovudtrenar sidan januar 2016. Tidlegare har han vore spelarutviklar og trenar hos yngre lag i Manchester City.

Fotballtilhengjarar flest hugsar Vieira som ei drivande kraft på midtbana for Arsenal og Frankrike i suksessåra på 1990- og 2000-talet.

Han vann tre ligatitlar med Arsenal, fire ligatitlar med italienske Inter i tillegg til VM og EM med Frankrike.

(©NPK)