Annonse

Vladimir Vukicevic til EM-semifinale

Vladimir Vukicevic tok seg vidare til EM-semifinale på 110 meter hekk etter å ha sprunge på 13,67 i Berlin torsdag.

Vukicevic vart nummer fem i det første kvalifiseringsheatet i Berlin torsdag. 27-åringen sprang på 13,67 og var avhengig av å ta seg vidare på tid. Det klarte han med god margin.

- Tida er heilt innanfor, men eg gjorde mykje feil. Tida lovar godt. Eg føler meg i «perseform». Det skal eg få til i morgon, sa Vukicevic til NRK.

Tida var ni hundredelar bak årsbestenoteringa som han sette i belgiske Ninove rett før meisterskapen.

Vladimir Vukicevic spår at han må sette personleg rekord med god margin for å ta seg vidare til finale. Den personlege rekorden er 13,54 frå Amsterdam i 2016.

- Dersom alt klaffar, så er det mogleg, avslutta sprintaren.

EM-semifinale og finale går fredag kveld.

(©NPK)

Vladimir Vukicevic i aksjon på 110 meter hekk under EM i friidrett på Olympiastadion i Berlin. Foto: Ørn Borgen / NTB scanpix

Annonse
Annonse