Zlatan: - Det svenske kollektivet er den nye stjerna

- Dei jobbar mykje med det kollektive no, det er slik ein vinn, seier Ibrahimovic til Svenska Dagbladet.

Sveriges landslagssjef Janne Andersson har lenge blitt rost opp i skyene for måten han har bygd opp det svenske laget på. Den svenske superstjerna er ein av dei som rosar Andersson.

- Eg trur på Sverige. Dei er betre utan Zlatan, seier han og legg til at det ikkje er negativt at laget må klare seg utan éin spesiell stjernespelar.

- Det kollektive blir den neste stjerna, seier LA Galaxy-spelaren som fortel at han skal vere med å heie dei fram til å vinne VM

- Mi sjel kjem til å vere med dei.

36-åringen spelar i Los Angeles-laget Galaxy, eitt steg ned på karrieren etter opphaldet i Premier League og Manchester United.

(©NPK)

Zlatan Ibrahimovic trur Sverige klarar seg godt utan Zlatan på laget. Foto: Janerik Henriksson / NTB scanpix